Stuck On You 2

Sabi nila, minsan lang darating sa buhay mo ang taong tunay na magpapasaya sa iyo. Minsan mo lang matatagpuan ang isang pag-ibig na wagas. At minsan mo lang makikilala ang taong handang tanggapin ang buong pagkatao mo.

Pero paano kung dumating na siya at hindi ka pa handa? Susugal ka na ba o susuko ka na lang? Pakakawalan mo na lang ba o tatanggapin mo na?

Paano kung natatakot ka lang palang aminin na mahal mo na siya? Bibitiw ka na lang ba o ipaglalaban mo ang pag-ibig mo para sa kanya?

Paano kung kailan handa ka nang aminin na mahal mo siya ay may mahal na pala siyang iba? Paano kung gusto ka pala niyang ipaglaban pero pag-aari ka na rin ng iba?

Alin ba ang pipiliin mo? Ang kasalukuyan na labis na nagmamahal sa iyo o ang nakaraan na hindi mo kayang i-let go?