May kanya-kanya tayong hinahangaan. "Crush" kung tawagin ng nakararami. Aminin man natin o hindi, kapag nakikita natin sila ay para tayong kiti-kiti na hindi mapalagay. "Kinikilig" daw?
Pero paano nga ba kung ang taong mahal mo na ang siyang nagpapakilig sa iyo? Eh, baka gumugulong ka na sa kilig! Paano naman kung hindi ka mahal ng mahal mo? Saan mauuwi ang kiligan? Saan pa nga ba kundi sa dramahan!
Love knows no boundaries. Mapapatunayan kaya ito nina Callie at Riggs?
Sadyang kay hirap kung may karibal ka sa taong pinakamamahal mo pero paano kung ang Diyos mismo ang kalaban mo? Tingnan natin kung paano ipaglalaban ni Joseph ang pag-ibig niya kay Mary. Love sees no end. Pero paano kung humantong iyon sa kamatayan? Samahan natin sina Cleofe at Jack sa kanilang kuwento…